© All original copyrights respected / For private use only

Anke von Tharau

1. Anke von Tharau is de mi gefällt,
   Se is mien Leben, mien Goht un mien Geld
   Anke von Tharau hett wedder ehr Hart
   Op mi gerichtet in Lev un in Schmart,
   Anke von Tharau, mien Rieckdom, mien Goht,
   Du miene Seele, mien Fleesch un mien Blot.
2. Keem alle Wedder glieck op uns to schlahn,
   Wi sind gesinnt, bi eenanner to stahn,
   Krankheit, Verfolgung, Bedröfnis un Pien,
   Sall unser Leben Tosamenholt sien,
   Anke von Tharau, uns Lewe Bestand,
   Brukt unser Harten, den Mund un de Hand.
3. Recht as een Palmenboom över sich sticht,
   Je mehr em Regen un Hagel anficht,
   So ward de Lev in uns mächtig un groot,
   Dörch Krütz, dörch Lieden, dörch allerlei Not,
   Anke von Tharau, Du söteste Ruh,
   Een Liev un Seele ward ut Ick un Du.
4. Warst Du int Leben mol von mi getrennt,
   Leevtest dor, wo een de Sünne nich kennt,
   Ick will di folgen dörch Wöhler, dörch Meer,
   Dörch Is, dörch Isen, dörch fiendlicket Heer,
   Anke von Tharau, mien Licht miene Sünn,
   Mien Leben schluht sick um dinet herüm.

Text: bearb. nach Plattdeutsches Songbook
Arr.: Saitensprung 1985 / Schlagsaite 1994
Weise: Trad.

   Index