© Please respect our copyright ! / For private use only
Ungenehmigte Aufführung und Reproduktion in jeglicher Form nicht gestattet.

De Diddeldi-Daddeldi-Dei

1. Hein keem vun de See, he wull hen na de Stadt,
   Denn he harr doch so lang all keen Landgang mehr hat,
   He weer good toweeg, un föhl sick ook fein,
   Denn he wußt jo noch nix vun den Diddeldi-Daddeldi-Dei -

Chorus :

• Falla-Lalla-Diddeldi-Daddeldi-Dei
2. An de Eck vun dat Steentoor säh he ne smucke Deern
   Se plinkert em to un he harr se glieck geern
   Se wiest op eern Korf und seggt denn to Hein :
   'Dorin is een Buddel mit Diddeldi-Daddeldi-Dei'

Chorus :

• Falla-Lalla-Diddeldi-Daddeldi-Dei
3. Un Hein dacht bi sick: 'Wat is da woll bin'n
   Gesmuggelten Whisky oder Kööm oder Gin
   Ach wat, schiet-egol, ick will mi man frein
   Opn Schluck utn Buddel mit Diddeldi-Daddeldi-Dei'

Chorus :

• Falla-Lalla-Diddeldi-Daddeldi-Dei
4. Se geev em den Korf un he wull betooln
   Se seggt 'Holt mol fast, will blots Wesselgeld holn'
   Hein kieckt in den Korf und de Lüüd hört em schrein
   Dat is jo keen Kööm, disset Diddeldi-Daddel-Dei

Chorus :

• Falla-Lalla-Diddeldi-Daddeldi-Dei
5. Verdammi, son Schiet, dat is een Malheur
   Ick wull doch wat drinken - nun hebb ick een Gör
   De Deern kummt nich wedder, se let mi alleen
   Mit n dösigen Jung, dissen Diddeldi-Daddeldi-Dei

Chorus :

• Falla-Lalla-Diddeldi-Daddeldi-Dei
6. Verdammi, seggt he, son Piratenstück,
   Doch de Jung bruukt een Nom för sien Lebensglück
   In unser lütt Rothus steiht in de Kartei
   Dat Findelkind heet nu Jan Diddeldi-Daddeldi-Dei

Chorus :

• Falla-Lalla-Diddeldi-Daddeldi-Dei
7. Un de Moral vun de Geschicht,
   Kieck erst in den Korf un nich in ehr Gesicht
   Sonst hest du wie Hein een Klotz an't Bein
   Un seilst dör de Welt mit dien Diddeldi-Daddeldi-Dei -

Chorus :

• Falla-Lalla-Diddeldi-
  Falla-Lalla-Daddeldi
  Falla-Lalla-Diddeldi-Daddeldi-Dei

Text : © H-H.Kochlin
Arr.: De QuarteersLüüd - 1998
Weise: Trad. - Bungle Rye

   Index