Words Ian Davison / tune Ewan MacColl
So in wi' the crane and the swingin' steel ball
And oot o' the rubble the factor'll crawl
Ta-ta tae the caves in the canyons
The city is changin' a' year and a' day
And it's changin' as fast in the night-time
The next buildin's gone as you lay there and yawned
And we a' know that now is the right time
The buildin's were sandstone, the red and the grey
But they turned black wi' a' the fires smokin'
The sky's gettin' brighter, the concrete stays white
And you don't hear the sparras a' chokin'
Did you love stairheid lavvies, six families tae wan
Were the steamie-washed claes never dirty
Could you squeeze in a friend in your wee single-end
Was your mother decrepit at thirty
So clear oot the middens, let light in the close
The high-flats'll beat the diseases
It's miles tae the ground but there's grass all around
And the watter supply never freezes
As sung by Ewan McVicar
Tune The Thirty-Foot Trailer