A Dottered Auld Carle
- (Trad)
A dottered auld carle cam' o'er the lea
Ha ha but I wadnae hae him
He cam' o'er the lea, an' a' tae court me
Wi' his grey beard newly shaven
My mither telt me tae open the door
I opened the door, and he tottered in o'er
My mither telt me tae gie him a chair
I gie'd him a chair, and he sat on the flair
My mither telt me tae gie him some meat
I gave him some meat, but he'd nae teeth tae eat
My mither telt me tae gie him some drink
I gie'd him some drink, and he began tae wink
My mither telt me tae gie him a kiss
If you like him sae weel, ye can kiss him yoursel'
Wi' his aul' grey beard newly shaven
Wi' his aul' grey beard newly shaven
If you like him sae weel, ye can kiss him yoursel'
Wi' his aul' grey beard newly shaven
As sung by Jeannie Robertson
|