(Michael Marra)
Hermless, hermless
There's never nae bother frae me
Ah go tae the library an' tak' oot a book
Then Ah come hame for ma tea
Wi' ma hand on ma heart and ma heart in ma mooth
With arms that could reach o'er the sea
Ma feet might be big but the insects are safe
They'll never get stood on by me
Hermless, hermless
There's never nae bother frae me
Ah go tae the library an' tak' oot a book
Then Ah come hame for ma tea
Ah save a' the coupons that comes wi' the soup
And when Ah have saved fifty-three
Ah put three in the drawer and send fifty away
And something gets posted tae me
Hermless, hermless
There's never nae bother frae me
Ah go tae the library an' tak' oot a book
Then Ah come hame for ma tea
There's one or twa pals that Ah ca' my chums
They're canny and meek as can be
There's Tam wi' his car, Big Ed wi' his stamps
And Big Lexie Gilmour and me
Hermless, hermless
There's never nae bother frae me
I go tae the library an' tak' oot a book
Then I come hame for ma tea
Hermless, hermless,
There's never nae bother frae me
Naeb'dy would notice if I wasnae there
And I didnae come hame for ma tea
Hermless, hermless
There's never nae bother frae me
I dae what I'm telt and I tidy my room
Then I come doon for ma tea
Hermless, hermless
There's never nae bother frae me
I jist hang aboot and inherit the earth
Then I come doon for ma tea
(as sung by Danny Kyle)