(Carolina Oliphant, Lady Nairne)I'm wearin awa', Jean
Like snaw-drifts in thaw, Jean
I'm wearin awa' tae the land o' the leal
There's nae sorrow there, Jean
There's neither cauld nor care, Jean
The day is aye fair in the land o' the leal
Oor bonnie bairnie's there, Jean
She was baith gude and fair, Jean
And oh! we grudged her sair tae the land o' the leal
But sorrow's sel' wears past, Jean
And joy is coming fast, Jean
The joy that's aye tae last in the land o' the leal
Ye've aye been leal an' true, Jean
Your task is ended noo, Jean
And I'll welcome you tae the land o' the leal
Then dry that tearfu' e'e, Jean
My saul langs tae be free, Jean
And angels beckon me tae the land o' the leal
A' oor friends are gane, Jean
We've lang been left alane, Jean
We'll a' meet again in the land o' the leal
Now fare ye weel, my ain Jean
This warld's care is vain, Jean
We'll meet and aye be fain in the land o' the leal
(as sung by Alex Campbell)