Henry's Liederbuch
© All original copyrights respected / For private use only
As I know the Original Lyrics were written by Pat Cooksey
mit freundlicher Genehmigung der Verfasserin,
die z.Z. unter der mir bekannten E-Mail-Adresse nicht erreichbar ist - melde Dich bitte !!
The Sick Note (original gesungen von den Dubliners)
Krankmeldung (schwäbische Version)
Gell Chef, heit komm i net en's Gschäft,
jetzt horch me bloß mol a,
grad wia i dir des Briafle schreib,
ben i a kranker Ma.
Mei Ranza isch ganz blau ond schwarz,
mei Gsicht des isch ganz grau,
ond i woiß ois genau:
I sott heit s Schaffa lau.
Em zwelfta Schtock, do han e gschafft,
dia Bachstoi sottet ra.
Doch ronderschmeißa von dort droba
duat koi reachter Ma.
Dr Kapo, dr war sowieso
an deam Dag zemlich bled,
der secht halt, eam wär's scheißegal,
wia i des macha dät.
D'Schtoi ronderdraga ondram Arm,
do hasch drvo bald gnuag,
drom ziag i mir a große Kischt
nuff mit em Flaschazug.
Em Ibereifer, daß au klappt,
do han i iberseah,
dui Bachstoikischt isch ganz schee schwer
ond i ben leichter gwea.
Ond grad wo i des Soil losmach,
noch onda nemmts die Kischt.
Ond weil i an dem Soil drahäng,
ziagts mi nuff, so ein Mischt.
I schieaß nuff wia Raketa,
i komm mir vor wia bsoffa,
ond onderwegs, grad mittadren,
han i mei Kischta droffa.
Dui Kischta schtroift mi no em Kreiz,
kommt wia a Gschoß do ra.
Ond wia ne endlich oba war,
han i dr Kopf nagschla.
Dui Kischt hat en dr Zwischazeit
scho s'Erdgeschoß erreicht,
d'Hälft von de Stoiner hagelt raus,
drom war se jetzt au leicht.
Weil d'Hälfte Schtoiner hausa warn,
am Boda liegat rom,
war i schwerer als dui Kischta,
mi nemmt's nonder, des isch domm.
S'goht nonderzuas mit Jesasgwalt,
i heb me an meim Soil,
und land direkt uff dera Kischt,
an mir isch nex meh hoil.
Do lieg i mit meim domma Kopf,
denk s'Schlemmste hane gschafft,
da knallt dui Kischta oba na
mit Wucht ond äller Kraft.
Dia Schtoiner wo no drena warn
dia fliagat uff mi druff,
vor Schreck laß i des Soil jetzt los
ond deshalb saut des nuff.
Die Kischt kommt ronder,des isch klar,
se isch jo jetzt ganz frei,
se landet mir direkt em Kreiz,
wia kennt's au anders sei.
Drei Rippa ond mei lenker Arm send brocha, d'Nasa au.
Chef, hoffendlich verschtoahsch du jetzt:
I sott heit s'Schaffa lau.
frei übertragen nach :
"The Sick Note" by Pat Cooksey
[21.02.2006] Bilder : Pat und Henry begegnen sich
weitere mundartliche Versionen:
auf plattdeutsch :
Die Ausrede in hochdeutsch -
Lied-Index
Songindex 
Layout : Henry Kochlin (Schwerin)
07.09.1999, aktualisiert am 24.03.2008