(Trad)
There were four and twenty nobles rade through Banchory Fair
And bonnie Glenlogie was the floo'er o' them there
There were four and twenty maidens dined in the Queen's ha' (ha'- (arch.) house)
Bonnie Jeannie o' Bethelnie was the floo'er o' them a'
Bonnie Jeannie at a window sae fine and sae fair
She has fancied Glenlogie abune a' that were there
She spier't at his footman wha rade by his side
For his name and his surname an' whaur he did bide
He bides at Glenlogie when he is ta hame
He is of the fine Gordons, and George is his name
She wrote him a letter for tae tell him her mind
Oh my love is laid upon you, now will you prove in kind
He turned him aroond lichtly as dae Gordons a'
Oh I'm sorry my young lady but I'm promised awa'
Glenlogie, Glenlogie, Glenlogie, cried she
If I getna Glenlogie I surely shall dee
Oh haud yer tongue, dochter, an' greet nae sae sair
An' I'll get ye Glenfindlay, his faither's ain (ane?) heir
Haud yer tongue, faither, and say nae tae me
If I getna Glenlogie I ken I shall dee
Now her faither's ain minister was a man o' great skill
An' he's written tae Glenlogie, the cause o' her ill
Pale and wan was she when Glenlogie cam in
Ah but red and rosy grew she when Glenlogie won ben (won ben - came through)
And up spake her faither wi' a tear in his e'e
Ah ye're welcome Glenlogie, ye're welcome tae me
For it's turn ye Bonnie Jeannie, turn ye tae your side
For I will be your bridegroom gin you'll be my bride
(as sung by Dick Gaughan)